عنايتي للعيد مع منتجات سنوايت

السلام عليكم ورحمة الله 
كيفكم إن شاء الله طيبين ؟
وكيف رمضان معاكم ؟
المفروض هالتدوينة تنزل بداية رمضان , لكن لظروف خارجة عن الإرادة تأخرت فيها ..

بأتكلم عن استعدادي للعيد من ناحية الإهتمام بالبشرة ووهالأمور .
طبعا أغلب المنتجات أو يمكن كلها اعتمدتها من متجر سنوايت .

بالسناب تكلمت كثير عن عنايتي ومع منتجات سنوايت خاصه .
بجد هالإنسانة شوية عليها كلمة مبدعة , مدري ويني عنها من زمان .
طحت على حسابها فجأه تصفحته وأضفتها سناب وتابعتها فتره , والصراحه البنت أسلوبها مريح وتحب العطاء بقوة 
تتكلم كثير عن العناية بالبشره وهالأمور وتعطي وصفات مجانيه غير عن اللي تسويها طبعا لكن مفعولها ممتاز 
وعندها متجر باسم سنوايت ❤
شفت تجارب الناس وشفت هي شغلها بعد كيف نظيف ومرتب ويفتح النفس 
هي أخذت صناعة الصابون والكريمات وهالأمور عن دراسة ودورات وتعبت على عمرها واجتهدت 
وتسوي الأشياء بمقادير معينه وموزونة بالميزان , وتذكر أحيانا بعض تفاصيل المنتج اللي تسويه لكن مو كل شيء أكيد فيه أسرار للمهنه . وأسعارها مررررره جميلة وفي متناول الجميع بإذن الله , وكل ريال فيها حلال ..❤
وبعد ما تابعتها وارتحت لشغلها طلبت منها أشياء بسيطه وأعجبتني صراحه 
ويوم عن يوم أدمنتها وطلبت منها كم مره 

الآن لي تقريبا سنة من تعاملت معها .. ومبسوووووطة جداً من النتايج المبهره 
طبعا المنتجات مصرحه من وزارة التجارة 

ليه أخترت عنايتي من سنوايت ؟ 
تعرفون رمضان مو وقت الواحد يتفرغ مره لهذي الأمور , لكن لأني ما أحب أهمل نفسي ..
فالسبب اللي خلاني علطول أفكر فيها بدون تردد لأن منتجاتها سهلة الإستخدام ونتايجها فضيييعه وريحتها حلوه مره ولأني جربتها من قبل بعد وضامنتها ..
خلت عنايتي مختصره وسريعه وما تاخذ وقت مني أبد ..
عشان كذا اعتمدتها في روتين العناية للعيد .


بالصوره اللي فوق بعض منتجاتها . شايفين كيف مرتبه وكيوت وأشكالها تفتح النفس . وعمليه بعد وطريقة الإستخرام مكتوبه على كل علبة ..

سكرب بلس 
هذي سنفرة للجسم رهيبه وسريعه ونتايجه إبداع صراحه .
تحطينها على جسم ناشف قبل تسوين أي شيء , توزعينها تمام وتصنفرين جسمك زين  تخلينها 5 دقايق وتغسلينها 
بسسس 
ونتايجها نعووومه . تشيل الرؤوس السوداء والجلد الميت وتعطي نظاره .
روووعه 

فيه بعض البشرات حساسه جدا ما ينفع لها أي شيء .. فأنتي جربي على مكان قبل 
لكن غالباً مالقيت أحد يشتكي منها أبد يعني هذا شيء نادر ..

( الصابونية )
عبارة عن صابون للجسم 
باختصار أنا معد أستخدم صابونة للجسم إلا هي ..
طريقتها أحطها على جسم مبلول وأخليها 5 دقاق وأحيانا أزيد شوي عادي .. بعدها اغسلها من جسمي وبالليفة المغربيه حقت نزية مره حلوه .. المهم أليف جسمي زي الحمام المغربي . تشيل الجلد الميت كله وأحس بشرتي تتنفس ونظيييفه ..
الليفه المغربية استخدمها مرتين أو مره بالأسبوع  وباقي الايام ليفة القفاز من بودي شوب .. ليه ؟ لأن الفرك الزاايد للجسم يعطيك نتيجه عكسية ..
للأمانه أنا أستخدم الصابونه هذي لجسمي ووجهي والحمد لله ما تحسست منها أبداً 
النتيجة اللي أعطتني إياها روووووعه .. تنظف الجسم من قلب و شالت لي كل الحبوب وآثارها وتعطي نظارة وتصفي البشره 
وهذي النتيجه حتى للوجه .. 

كريم التفتيح 
هو كريم مرطب للجسم فضيع فضيع فضيع 
كله زبدات خام وترطيبه عالي والأجمل من كذا ريحته تهبل , ما استغني عنه
يوحد لون الجسم مرره ومع الإستمرار يفتح ويعطي نظاره لأنه يرطب من قلب .. وتمتصه البشره بسرعه مو ثقيل أبد 

زيت تفتيح للجسم 
تحطينه على جسمك قبل الشاور بكم ساعه .
ريحته أشياء حمضيه زي ليمون وكذا .. ماهي مزعجه أبدا .. يادوب تشمينها ..
إذا تتحسسين من الحمضيات قولي لها قبل 
ما أقدر أعطيكم ريفيوعنه لأنه من الأشياء الجديده وتحت التجربه بإذن الله ..

 زيت للشعر 
ريحته خفيفه ومو شينه أبداً 
مع الإستمرار تبين النتيجه 
لحد الآن استخدمته مرتين ولسه ما شفت النتيجة ولازال تحت التجربه 
لكن أظنها الآن ما تبيعه لأنه مكلف على كلامها 

مرطب الشفايف اللي خلاني أرمي كل المرطبات اللي عندي 
كله زبدات وشمع وأشياء ترطب الشفياف 
العلبة تكفي سنه  وممكن أكثر 
رووعه 
عيبه علبته تاخذين منه باصبعك ,, انا حاليا أخذ بعود الأذن اسهل 
تمنيت انه زي الروج ..
بس جودته خطييير مره 

ماسك للوجه فيتامين سي , يعطي نظاره ونعومه للوجه ..
مافيه ريحة حمضيات ..
أحب النعومه بعد ما أغسله تجنن 
وأول ما أحطه أحس كذا شيء بااارد ومنعش على وجهي كأنه يتغلغل في البشره ههههههههه 
حبيته والعلبه تقعد معك مده 
مرتين أو 3 بالأسبوع تكفي 




إن شاء الله ما نسيت شيء 
وهذا ريفيو مختصر عن عنايتي بمنتجات سنوايت 
ولا تلوموني من كثر ما أمدحها لكم إلا لما تجربون منتجاتها 
طبعا هي بحسابها تحط وصف للمنتج وطريقة استخدام وكل شي ء..
هذا حسابها انستقرام .. 
Snowwhite_ksa 
إذا جربتي شيء من منتجاتها ياليت تشاركينا عالسناب أو الانسقرام 
وإذا حابه أرسليها لصديقاتك يستفيديون ..

أشوفكم في تدوينه ثانيه بإذن الله ❤

تجدونني على :

سناب waad-majed

انستجرام waad_m_94@

وأهلا بالجميع 💗

 لوصول أسرع  تلاقون روابط حساباتي في أعلى الصفحة على  المدونة . 

1 comment جمال وعناية