تجربتي مع التقشير البارد (السايمل)

السلام عليكم 

البشره هي أهم شيء لازم البنت تهتم فيه لأنه هو واجهتها ويعكس مدى عنايتها بنفسها خارجيا وداخليا 

واليوم بأحكي لكم عن تجربة التقشير البارد 

التقشير البارد ( السايمل)

فوائده هو لتفتيح البشره وعلاج البقع الداكنه والكلف والنمش ولنضارة البشره ويقلل من علامات الشيخوخه والتجاعيد ..

ما بين فتره والثانيه البشره تحتاج تقشير حتى تروح الرواسب العالقه بالبشره وتتجدد ..

طريقته رحت العياده طبعا البشره مغسوله وبدون كريم 

بس عقموا لي بشرتي وحطت الدكتوره زي الكريم كأنه ماسك عالوجه 

وخلصنا 

طبعا انتبهي لا تحطين شيء على وجهك زي نقاب عشان ما يروح الشغل كله ( تغطي بطرحه وابعديها بيدك شوي عن وجهك )

خليته 8 ساعات وبعدعا غسلته عادي

أول يومين بس حمر الوجه شوي وبعدها بدأ يتقشر 

وأعطتني كريم يفتح ويقشر بشكل خفيف استعمله بعد اسبوع تقريبا من الجلسه 

احطه بالليل على بشره نظيفه واغسله الصباح

كيف بيقشر البشره ؟

بعد يومين من الجلسه بتلاحظين كأنه طبقه خفيفه من البشره انشالت 

طبعا لا تسحبين أي قشور تطلع عشان لا يصير تسلخات أو شيء أخر 

خليها تطيح من نفسها 

سوي روتين عنايتك العادي غسول ومرطب اللي تستعملينهم إلا في حال الدكتوره صرفت لك غسول او شيء اخر 

الترطيب مرتين او 3 باليوم 

الغسول مرتين باليوم 

ممكن تحسين بزي الحراره أو حكه بس انتبهي لا تحكين بس حطي كمادات ثلج , وتختلف الحراره من شخص للثاني

العطور لا تجي عالبشره 

لا تتعرضين للشمس أو حرارة الفرن أو الدفايه أو المويه الحاره

وإذا اظطريتي تطلعين او تطبخين حطي واقي 

استمر التقشير لمدة اسبوع تقريببا بعده خف وصار قشور خفيفه فقط من الكريم 

رايي فبه ..

شيء خراااافي 

أحس انتعشت بشرتي وخاصه أني سويته بعد فترة النفاس فبشرتي كانت بحاجه لمنقذ لها وهالتقشير فضييييع 

نورت بشرتي وصار فيها نظاره وحياة 

الهالات خفت بشكل ملحووظ 

والحبوب طلعت كم حبه بالبدايه بعدين راحت 

لكن جميييله الجلسه 

سويت الجلسه في مركز تيفاني على طريق أنس بحي الياسمين 

عند دكتوره لبنه 

بنات الدكتوره هذي تجنن وحبوبه وناصحه فعلا 

ما حسيتها بس تسوق او تغريك بنفخ ومدري ايش 

فعلا شافت بشرتي ايش تحتاج وسوت لي خطه علاجيه وسويتها 

ولقيت نتايج تجنن 

أحب الدكتوره اللي تتواصل مع مراجعينها لو احتاجوها وهذي منهم 

اي سؤال ابيه اسألها عن طريق السناب وترد سريع ..

حقيقي دكتوره بطله الله يوفقها.

العياده لهم حساب انستقرام وفيه مقاطه للدكتوره وهي تتكلم عن بعض الشغلات 

باعطيكم سنابها وزوروها ويارب تستفيدوا 

dr_lobna1

بالنسبه لسعر الجلسه 1500 مع الكريم وما ادري إذا هذا عرض أو هذا سعرها الأساسي

بنات مو إعلان ولا شيء أنا أحكي لكم تجربه شخصيه 

وسويت عندها البلازما للبشره بس لسه ما خلصت الجلسات بعدين راح أحكي لكم بإذن الله 

أتمنى أفدتكم ولو حبيتي التدوينه أرسليها لصاحباتك 

❤❤

تجدونني على :

سناب waad-majed

انستجرام waad_m_94@

وأهلا بالجميع 💗

 لوصول أسرع  تلاقون روابط حساباتي في أعلى الصفحة على  المدونة . 

14 comments جمال وعناية