تجربتي مع زيت أورمانا +مركز علاجي للشعر

بسم الله الرحمن الرحيم 

أتمنى تكونوا بأحسن حال ، والمعذره على تأخري لكن للظروف احكام 

اليوم جايه بريفيو جميل عن هذي المنتجين 

ما عندي مقدمات صراحه وراح أعطيكم تجربتي معاها خلال كم شهر 

فخلونا نبدأ علطول 

المنتج الأول : زيت مكثف للحواجب والرموش من أورمانا 

وصف المنتج :

جل طبيعي للرموش بخلاصة الألوي وأزهار البن العربي لزيادة طول الرموش والحاجبين إلى 43% وتصل 40% أكثر سمكاً في مدة  تقل عن شهر 

طريقة الإستعمال :

تحطينه على الرموش والحواجب مرتين باليوم 

خالي من مادة البارابين 

بالنسبه لتجربتي 

استخدمته لمدة شهرين ونص تقريبا أو 3 

مره وحده باليوم نادر أحطه مرتين لأني أنساه 

يجي رول مو فرشة زي المسكره ( نسيت أصور لكم من جوا ) 

النتيجه اللي اعطاني أياها رموش أقوى من قبل ، والطول كان واضح بالنسبه لي ، الكثافه قليل مو شيء كبير 

أكثر شيء فرقت عليه الطول .. لما احط المسكره ( استخدم مسكرة بادجال من بينفت ) 

المسكره حلوه صراحه حتى قبل لا استخدم زيت أورمانا 

لكن بعد استخدامي للزيت لاحظت الرموش تبين أجمل بسبب الطول وقوة الرموش 

( المسكره تكلمت عنها بالانستقرام ) @waad_m_49

رموشي طبيعيه الحمدلله ولا قد استخدمت رموش صناعيه أبداً . كثافة رموشي متوسط ، شووووي ضعيفه 

مع الزيت مرره مبسوطه بالنتيجه اللي اعطاني إياها 

ما أراح أكذب عليكم وأقول طلعت رموشي طويييله وكثيييفه 

بأكون صادقه وأقول صارت أكثف وأطول وأقوى من قبل تحسنت بنسبة 60 %

ينصحون باستخدامه لمدة شهر مرتين باليوم لكن أنا استخدمته مره باليوم لمدة 3 شهور راح استمرممكن  شهر واوقفه فتره وبعدين أرجع له .

أخذته من بوتيكات 

سعره: 285 ريال 

الزيت ماشاء الله يقعد معك فتره طويييله 

ولو تلاحظون بالصوره ماراح إلا ربعه أو أقل ..

هل يستحق التجربه ؟

إيه يستحق ونتيجته رائعه ورموشي تحسنت عليه كثير ، صح مرتفع سعره حبتين بس حلو ويطووول معاك الشيء السلبي فيه أنو مو زي فرشة الماسكره هو رول واحس فرشة المسكره افضل .

فيه له بديل ارخص ( مافالا ) لكن ما جربته وقد قريت عنه بعض التحذيرات

لكن ما يمنع تبحثين أكثر وتتاكدين 

المنتج الثاني : ام تي جي - مركز علاجي نيامكس

يوعدك المنتج أنو يعمل على بصيلات الشعر 

ويساعد في سرعة استبدال الشعر وإطالته 

ويزود الشعر بالفيتامينات اللازمه 

أنا شفت البعض يمدحه وانتشاره مو كبير لكن استخدمه لأن طبيعة شعري الشعره خفيفه ومتطايره وضعيفه نوعا ما فبسرعة  تتأثر بالعوامل الخارجيه 

شعري أصنفه ناعم لكن بالأونه الاخيره تلف شوي بأثر العوامل الخارجيه ( استشوار وصبغات وغيره ) 

فكنت احتاج شيء يقوي الشعره 

طريقة استخدام المنتج 

من تحت ضغط ومن فوق أنبوله 

10 - 15 ضغطات كافيه 

يحط على فروة الرأس سواء بعد الشاور أو بدون شاور المهم الفروه نظيفه 

مره وحده باليوم 

ريحته مقبوله وأول ماتحطينها تشمينها بعدين تروح 

بعد ما تحطينه علر فروة الرأس سوي مساج مهههم بنات 

رأيي فيه 

ببداية استخدامي له ما كنت أشوف نتيجه 

فكنت أقول ما يستاهل 

بس كملت العلبه كلها تكفي تقريبا شهرين 

بناااااات شيء يجنن 

أنا وحده اعرف شعري خاصه بالجزء الأمامي ضعيف ومع هذا المنتج أعطاني النتيجه الحلوه 

الشعره صارت قويه وخف التساقط 

الشيء الثاني يطول بشكل ماشاء الله سرييييع 

حتى البيبي هير ماشاء الله طالوا بسرعه 

ومع الأستشوارتبين اللمعه لأن الشعر صار أقوى 

سعره 322 ريال 

هل بأرجع أشتريه ؟

اييييييييه نتيجته روعه  ❤ ومستمره بإذن الله 

بالبداية كان تقييمي له سلبي بس لما استمريت لقيت نتيجه تحمسني أستمرأكثر

❤❤❤❤

بالنهاية

إذا أعجبتك التدوينة شاركيها صديقاتك وأشوفكم في تدوينة أخرى  بإذن الله 

تجدونني على :

سناب waad-majed

انستجرام waad_m_94@

وأهلا بالجميع 💗

 لوصول أسرع  تلاقون روابط حساباتي في أعلى الصفحة على  المدونة . 

1 comment جمال وعناية