منتجات حبيتها الجزء 2 ..

السلام عليكم ورحمة الله وبركاته ..

كفكم إن شان الله بخير .. 

تدوينة اليوم .. تابعه للتدوينه السابقه .. 

راح آخذكم معي لباقي المنتجات اللي حبيتها الفتره الأخيرة .. وبعض التجارب الشخصية

يالله خلونا نبدأ .. ❤❤

هذا شامبو وماسك الكولاجين ..

خلوني أحكيلكم عن تجربتي مع علاج الكولاجين للشعر ..

أولا طبيعة شعري ناعم . لكن تالف نتيجة عوامل التعرية 

صار فيه لفه شوي ومافيه لمعه ينفش .. وكل هذا بسبب الجفاف .. 

المهم أني رحت للمركز على أساس أسوي بروتين .. شافت شعري الإخصائية قالت سوي الكولاجين .. سألتها ايش الفرق .. قالت هو أقوى من البروتين وأخف من الكيراتين .. وأنو بيناسب شعرك وبيعطيك نتيجه أجمل 

المهم توكلت على الله وسويته
غسلت شعري ثم حطت الماده ثم سوت شعري كله بالليس .. وخليته 4 ساعات تقريبا ..

غسلته بالشامبو ثم الماسك .. وبالنسبه لرائحة المنتجات عادي حلوه .. 

المهم النتيجة أعجبتني .. بالنسبة لشعري صار استريت على طبيعي في موجه خفيفه أعجبني .. 

وأول اسبوع ألاحظ لمعه جميله ..  وتخف تدريجيا.. النفشه صدق خففت ..

طبعا كل هذا على حسب طبيعة شعرك الاساسيه .. 

لكن التحسن ملحوظ وبيعجبك بإذن الله .. 

الكولاجين ينعاد كل 5 شهور تقريبا .. بس قرابة 4 شهور وبتحسين انو خف مفعوله .. 

لكن يستحق التجربه .. 

نجي للمنتج .. يكفيني تقريبا 3- 4 شهور .. حسب طول الشعر .. وطبعا بالكولاجين وهو يعزز الماده اللي حطيتيها لشعرك 

الشامبو والماسك يخلصون بس السيروم يطول معك .. والمعذره ما صورت السيروم .. 

لكن الشامبوا والماسك والسيروم كلفتني قرابة 500 .. 

وعشان اتفادى نقطة دفع هذا المبلغ على شامبووسيروم .. اخذهم وقت ما اسوي شعري وبعد تقريبا 3 او 4 شهور يعني إذا خلصوا استبدلهم بشيئ رخيص ومفعول جميل .. وهو شامبو وبلسم اكراتين 

سعره أقل من 100 موجود بالصيدليات .. 

اقيمه 10 من 10 
البلسم حبيته كثير .. احسه يعطي ترطيييب .. وبعد الشاور ملمس الشعر تحسينه رطب وما يتشابك 
انصح فيه سواء معالجه شعرك باي نوع معالج او ما عالجتيه .. مفعوله حححلو .. 

مجموعة الكرز الياباني من باث اند بدي ووركس .. 
من أفضل المجموعات اللي استخدمتها .. ترطيبها جميل جميل جميل وثباتها حلو .. 
حبيييييتها كثير وتستحق التجربه ..

منتجات كلانس رائعه .. ❤
من اليمين بيبي كريم .. رائع بس خذي درجة تناسبك مو مثلي اخذت اغمق واعطاني برونز .. لكن حلو وتغطيته حلوه ينفع يومي .. 

اليسار ماسكرا .. جميله .. وعن نفسي استخدم حاليا مسكرتين الاولى حقت سيفورا ❤ تنفع يوميه واحسها خفيفه وجميله وما تكتل .. وبعدها احط كلارنس تبين الماسكرا تمام وخاصه مع ميك اب تصلح زيارات وكذا .. ما حبيتها يوميه .. 
لكن حلوين يستحقون التجربه.. 

الشادو اللي احبهم .. ❤
شانيل ونيكد .. 
شانيل ورتني إياه الموضفه وهو مو معروض ومدحته.. وأعجبني وأخذته .. بعد التجربه حبيته أكثر .. فيه لون ذهبي وزيتي وبني وغيره .. لكن حبيييته مره تقدري تثقليه او تخلينه خفيف .. سعره بحدود 200 .. ما ندمت ابد اني شريته   
أنا ما احب اخذ باليت كبير وفيه الوان واشكال .. اكتفي بحاجات اساسيه وممكن لون أو لونين ابيهم ... 
شانيييل راااااااائع انصح فيه وأحسه ثابت .. ويصلح مناسبات او زيارات .. 
الثاني نيكد .. اخذت الحجم الصغير .. وألوانه أساسية حلوه وعمليه وأنصح فيه للمبتدئات .. هو مات لكن رائع .. وكلهم خفيفات بالحمل ومثاليه للسفر .. 



إلى هنا انتهت تدوينة اليوم ..اتمنى أعجبتكم وفادتكم .. ❤ 

تجدونني على :

سناب waad-majed

انستجرام waad_m_94@

وأهلا بالجميع 💗

 لوصول أسرع  تلاقون روابط حساباتي في أعلى الصفحة على  المدونة . 

Leave a Comment جمال وعناية