مفضلاتي الفترة الأخيرة

السلام عليكم
كيفكم صديقاتي ؟

اليوم حابه أتكلم لكم عن بعض المنتجات المفضله عندي في الفترة الأخيرة ..
شيء للجسم وشيء ميك اب وغيره ..


يالله نبدأ ❤

من اليسار غسول من ماركة أفين موجود بأغلب الصيدليات , مناسب للبشرة الدهنية , استخدامي له افركه بيدي شوي حتى يطلع رغوه  لأنه سائل اذا حطيتته بيدي مو رغوه من اول ما احطه  زي بعض الغسولات ..ثم احطه على وجه مبلول وأخليه شوي بس احيانا أكون مستعجله فأغسله علطول .
اللي لاحظته أنو ينظف لي البشره وما حسيته أبد أنه ينشفها لي , لي تقريبا 3 او 4 شهور استخدمه , ما لاحظته طلع لي حبوب او اعطاني نتيجه عكسيه .. وماركة أفين غالبا منتجاتهم كويسه .. جميل وأنصح فيه وسعره أتوقع 80 ريال مو غالي

الثاني مزيل ميك أب من ماركة فيشي , حبيت فيه أن قوامه زيتي وما يحتاج قطن وحوسه .. كم ضغطة على يدي وافرك فيه وجهي والعيون زين ثم افركه مع المويه واغسله , وراح المكياج باسرع وقت ,  بس كنت خايفه أنو يطلع لي حبوب لان بشرتي دهنية الى مختلطة وهو زيتي , لكن الحمد لله ما لاحظت هالشيء , سعره ناسيه كم

كلهم موجودين بالصيدليه زي وايتس وبوتس وغيرهم ...

كنت رايحة للصيدليه وأبي شيء للنظاره والتفتيح لان فيه شوية كلف بوجهي وكنت مخططه على كريمات قد استخدمتها  وأعجبتني
لكن الصيدلي أعطاني كريمات وقال هذي أفضل , وأخذتهم
اليمين سيروم ليلي للوجه من فيشي , احطه قبل انام وتمتصه البشره بسرعة وإذا صحيت اغسله .. جميل وحسيته اعطاني نتيجه في خلال اسبوعين او 3 , وقوامه خفيييف حلو

الثاني كريم لمحيط العين  للتفتيح  ايضا حلو خاصه تحت العين..  

بالنسبه للمنطقه احب استخدم لها حاجات بوصفات الطبيبه مو من راسي اختار غسولات وكريمات ..أحس كل وحده تختلف عن الثانيه كل وحده تحتاج شيء معين للعنايه فيها . 
هذا الغسول رائع وفيه نسبه تفتيح استخدمه يومي على كلام الدكتوره 
جميل وما سبب لي أي حساسيه وأنصح فيه لكن استشيري طبيبتك اذا يناسبك او لا 

من العطورات المفضله عندي الفتره الأخيره عطر شانيل شانزأو تندر, ريحته على باودر جميييله أحبه صباحي وبعد الشاور منعش وبارد ❤
العلبه الصغيره 50 مل خلصتها باقل من شهر ههههههههههه ( كل شوي اتعطر منه ما تشوفونه فاضي  ) وفيه منه عطر للشعر جمييل بس للاسف ما يتوفر كثير وفي من جيرلان برضوه يشبه له وله عطر شعر وزيه بارد ومنعش ..

الثاني برلين من AB  جميل وهو أكثر عطر أعجبني من بين عطورات  AB وأحسه يصلح زياره او مناسبه .. احيانا اتعطر فيه واحط دهن عود يطلع فخم او مسك من عبد الصمد القرشي يعطي انتعاش ... 

هذي 3 أروج من سيفورا افضلهم بالمناسبات في الفتره الأخيره ( الصوره الأولى هم الاثنين المفتوحات + الصوره الثانيه ) ورقم الروج جنبهم يارب واضح .. اللي فوق عاديه واللي تحت ريشه وهذا الفرق الوحيد اللي شفته فيهم ..
أول ما أحطهم عاديه جدا ,  ثم تقلب مات .. والشيء الحلو وخاصه بالمناسبات انها ثاااابته وما يحتاج كل شوي اعدل .. يكفي مره وحده اعدله .. ألوانهم واضحين وجميله .. ارطب قبلهم الشفايف زين بما انها مات يعني .. لكن ما تشقق الشفايف كثير .. مرا قليل واذا شفايفك تعبانه ممكن تتشقق بعدها طبعا ..

وهذي الروجين من ماك ❤❤ اليمين اسمه Twig .. شفته عند وحده من صديقاتي وجداً اعجبني وركض لماك اشتريه .. 
الثاني مدري وش اسمه بس طحت بلونه وأنا أشخط بالأرواج هو على بني او نود او وردي ما قدرت أحدده بس جمييل , وتلاحظونها مأكووووله هههههههههههه ألوانهم تصيح  .. كلهم يصلحون يوميات وبالبيت ودوامات , وما تقلب على البشره حتى لو ما حطيتي مكياج , . وحلوه مع المكياج تعطي لوك ناااااعم وحلو وهااادي ,  ومعروف أرواج ماك ما تشقق الشفايف .. أنصح فيها وبقوه 

روج من AB  رائع واستخدمه يومي لونه جميل ويصلح يومي بعد أحسه يوازي ارواج ماك اللي تكلمت عنها تو , ما تشقق الشفايف وثباتها حلو وتنفع يومية وخاصه الدوامات ..
وأكيد أنصح فيها 

أنا من النوع اللي علاقتي مع القلوسات مو قويه اببد وشبه معدومه  , أحسها تلزق بقوه وتحسسني انو فيه عسل عالشفايف , وهذا جاني هديه من سيفورا,  تركته مركون فتره  بالدرج بعدين قلت اجربه ماراح  أخسر شيء , الصراحه حلو ويعطي امتلاء ولمسه ناعمه وشكل انيق بس الاحساس انه يلصق لازال ,  ما أحب هالشيء هههههه
أحطه على روج Twig  من ماك يعطي لوك ناااعم جدأ ومنظر حلو ..
عن نفسي ممكن استغني عنه احسه شيء عادي مو مره مهم  و واو .. ممكن بعدين احبه ما ادري هههههه



وبس ....
وأتمنى تكونوا استفدتوا من البوست 
❤❤

تجدونني على :

سناب waad-majed

انستجرام waad_m_94@

وأهلا بالجميع 💗

 لوصول أسرع  تلاقون روابط حساباتي في أعلى الصفحة على  المدونة . 

3 comments جمال وعناية