ثلاث تنسيقات لتيشرت واحد

السلام عليكم 
كيفكم صديقاتي إن شاء الله تمام ؟

تدوينة اليوم تخص الفاشن 
كثير من البنات عندها قطع حلوه لكن ما تلاقي عليها تنسيقات , وقد تكون منسيه بالدولاب ومالها أي معنى 
كنت جالسه انسق بعض الملابس ولقيت عندي تيشرت يركب عليه تنسقات كثيره .
وبهذي التدوينة اخترت ثلاث تنسيقات لتيشرت(يعني بلوزه صيفيه) وحده , أعرضها لكم.
وانتي بنفسك تقدري  تطلعي تنسيقات وتخلي من القطعه العادية فخمه او رسميه حسب الملابس اللي عندك , حاولي وتطلع معاك تنسيقات حلوه 

يالله نبدأ ❤

هذا هو التيشرت الأبيض  طبعا هو تفصيل لكن حبيته كثير , على أنه بسيط ومافيه تفاصيل كثير أبداً إلا أن الربطه أعطته شكل حلو وخلتني مهما ألبس معه يكون جميل . أول مره لبست معاه تنوره مشجره موديلها لف والوانها زاهيه ( رمادي ووردي وابيض ) و صندل وشنطه كلهم اسود  . وشعري سويته ويفي أعطى شكل جميل وحلو  لناسبه .. 
و بهذا التنسيق ركبت معاه تنوره سوداء ميدي موديلها كلوش ( وهذي التنوره أعشقها جددداً كرفتها بالجامعه كثيير وإلى الآن ما خربت ولا تأثرت مريحه وعمليه ❤❤ ) . وأعتبر هذا اتنسيق حلو للجامعه او مع تنوره استريت  (تكون قماش حلو وشوي موقفه ) برضوه تكون حلوه 
بالجامعه تقدري تلبسي معه شوز سبورت وباك باق او كروس بدي  
شعرك ممكن تسوينه بوني تيل او كعكه فوق او أي تسريحه مرتبه تصلح للدوام .. 

 وممكن هذا التنسيق تخليه حاجه رسميه وخاصه بالشتاء , بس بلمسات حلوه 

أضفت هذا الكوت وربطة التيشرت طلعتها برا وأعطته هذي الحركه إطلاله جميله وأنيقه , والكعب يكون بوت قصير واكسسوار بلون ذهبي 
هذا الكوت الأنيق وقعت بغرامه من يوم شفته في زارا ❤ حسيته شيء راقي وأنيق , حركة الأكمام اللي تتسفط والجيوب الكبيره مرره عاجبتني , والطول مرره حلو , والياقات حركتها غريبه وجميله.. وحبيت أنو لونه يمشي مع اشياء كثير , وأطرافه جلد أسود أعطاه فخامه ❤❤ ممكن تلبسينه كذا وممكن تشيلينه على يدك ومتى ما احتجتي البسيه 


وممكن تخلينه شيء رسمي مثل كذا 

بس حطيت الجاكيت هذا وصار حاجه أنيقه ورسمي أكثر , والشوز أو الصندل يكون أسود أو أبيض و يكون كعب أفضل لأن السبورت احس مو لايق عليه ,  حتى الألوان جداً رسميه وراقيه فحلو تكملي الإطلالة بشيء مناسب 
ممكن لو حابه تلبسينه مع تنوره استريت  ميدي أو طويله حسب ما تحبين 


وبكذا نكون خلصنا 
إذا أعجبتك التدوينه ياليت ترسلينها لصديقاتك 
أحبكم ❤

تجدونني على :

سناب waad-majed

انستجرام waad_m_94@

وأهلا بالجميع 💗

 لوصول أسرع  تلاقون روابط حساباتي في أعلى الصفحة على  المدونة . 

1 comment أزياء