مجموعة مفضلاتي

السلام عليكم ورحمة الله وبركاته 

أهلا وسهلا إن شاء الله تكونون بخير .
المفروض هذي التدوينه نازله قبل اسبوعين بس بعد ما صورتها وشفتها على اللابتوب ما أعجبتني الصور , لكن ما مداني أنزلها بوقتها رحت أسبوع لدبي زي ماشفتوا عالسناب .. ولما رجعت أعدت التصوير 


هي منتجات حبيتها مؤخرا وأعجبتني كثير وقلت لازم أقول للأصدقاء عنها ممكن تفيدكم 
وعشان ما نثرثرواجد يالله خلونا نبدأ ❤

مزيل المكياج من غارنير 
زمان تكلمت بالسناب عن موزيلات مكياج ( بيو ديرما و ديور وفيشي ) وكلهم حلوين وكل منتج يتميز بشيء 
وهالمره طحت لكم على مزيل مكياج جمييييييل ما تتحسس منه بشرتي أبد أبد .. ولا يحرق العيون ويشيل المكياج بسرعه 
قالت لي عليه وحده وسويت عنه ريفيو ولقيت عليه مدح وجربته ومررره حبيته .. قوامه زي المويه وماله ريحة أبد ... أحسه ينظف وما شفت أي سلبيات عليه أستخدمه يومي لي كم شهر عليه .. أحط منه على قطن الوجة وأمسح فيها مرره زين .. اهم شيء يابنات انتبهي تبقين مكياج على وجهك مو زين للبشره ..
أنصح فيه وبقوه 
سعره رخيص 25 ريال حسب ما أذكر
يالله كلكم احفظوا الصوره  

 جربت أنواع قطن للوجه كثيره 
كنت أفضل جونسون 
لكن من سنه تقريبا جربت حق صيدلية  وايتس جميييل ناعم ناعم ناااعم مره لطيف عالوجه  ولما خلص رحت مره ومالقيته لكن اخذت جونسون طلع جونسون خشن عنده وقوي شوي عالعين خاصه 
المهم رحت للنهدي وأخذت قطن صيدلية النهدي نفسه , وش أقول وش أخلي شيء خرافي عشقته ..  مهما أمسح بقوه يبقى لطيف جدا.. أعتبر قطن النهدي ووايتس بمستوى واحد .. استخدمه وانا مغمضه .. 

مناديل ديتول اللي ما استغني استغني عنه أستخدمه بكل شيء .. حتى أمسح فيها الجزم الجلد البيضاء خاصه , ترجع تلقلق 
ولازم يكون بالشنطة وين ما أطلع 

مقشر بوبي براون .. أحس ريحته فيتامين سي .. طريقته أنظف الوجه وبعدها احطه عالوجه وبحركه دائريه مدة دقيقه كذا بعدين اغسله 
احس نتيجته جميله ويعطي انتعاش وينقي البشره .. 
حبيته وعلبته تكفي مده طويله .. 
يستخدم مره بالاسبوع .. وسعره 200 وشي , لكن شفته قريب في متجر أناس مخفض عليه 

متحمسه أجرب الماسك بعد عليه مدح

الفاونديشن وما  أدراك ما الفاونديشن ,, 
لي فتره تقريبا  سنه أستخدم من ماركة ماك , وأنا وحده ما أحب طبقات على الوجه أحس أنكتم فكنت أحط طبقه بسيييطه جدا اسم بس 
لأن أحس المكياج يحلي فقط مو يغير ملامحك ..
والدرجه عند ماك ماكانت مره بالضبط مناسبتني اذا حطيته عادي يعطيني برونز فاخليه مرره خفيف أو أخلطه إذا عندي غيره افتح  
المهم جربت اربن ديكاي وهالماركه مسويه ضجه بالفتره الأخيره .. فتحمست أجرب منتجات أكثر من عندهم 
الفاونديشن عندهم الفل كفر والميديم .. طبعا اخذت الميديم 

شيء شيء شيء يجنن مرره حلو وحتى ما لاحظت أبد أنه يعطي شهابه 
بالعكس حبيييته مره وثباته جمييل , غير أنو حتى شكل العلبة جميييل وراقي  والفل كفر مره علبته تهبل ❤
بالنسبه لي أنصح فيه بقوه 

ليفه مغربيه من نزيه .. حاقه ما حصلتش جمييييييله وخاصه مع صابونة سنوايت اللي قد تكلمت عنها قبل .. ما تقطع ابد 
سعرها6 ريال  خذيها وانت مغمضه 

شامبو بيغ من لاش اللي أزعجتكم فيه شيء راااااائع  استخدمه مره وحده بالأسبوع 

هو شامبو بملح البحر ينظف فرور الرأس بشكل جمييل وما يجرح 

لأن فيه زي حبات الأملاح شوفو كيف 

الحبات هذي تذوب علطول وأنتي ركزي على فروة الرأس بس بشويش لا تجرحينها .. ريحته جمييييله وينظف من قلب ويعطي الشعر انتعاش وحيويه وزي الفوليوم للشعر  بشكل جميل  ومرتب ❤

أنا فروة الراس عندي دهنية وباقي الشعر عادي فحسيت أنو مناسبني , خلصت علبه  وبإذن الله بأشتري ثاني .
سعره 175 او 157 .. يعتبر متوسط الى غالي بس مره وحده بالاسبوع 
منتجات لاش لا تخلينها تطول مره لانها طبيعيه وتخرب علطول >> قريت ما جربت 

جرجنز ومن ما يعرفه , من كنت صغيره أحبه .. ترطيبه يعتبر عالي وجميل وخاصه اننا بالشتاء 

استخدمت هذا البرتقالي والموف , ريحتهم حلوه 

موجود بكل الصيدليات ما ادري كم سعره بس أنصح فيه  , ومناسب كبديل أرخص 

أتمنى أفدتكم بهالمنتجات .. إذا لك تجارب ياليت تشاركينا .. وترسلينها لأصدقاءك 

وتابعيني انستقرام وسناب  هناك أنزل بعد بعض الأشياء ..

❤❤

تجدونني على :

سناب waad-majed

انستجرام waad_m_94@

وأهلا بالجميع 💗

 لوصول أسرع  تلاقون روابط حساباتي في أعلى الصفحة على  المدونة . 

1 comment جمال وعناية