غسول بيوديرما

اليوم راح أتكلم عن تجربتي مع غسول للبشره استخدمه هذي الفتره .

غسول سيبيوم جل من بيوديرما 

منتجات بيوديرما جميله للبشره وطبيه فما أخاف من تجربة منتجاتهم .

هذا النوع مناسب  للبشره الدهنية والمختلطه ، فيه نوع اخر للبشره الحساسه .

المنتج يوعدك: 

أنه ينظف البشره بلطف وينقي المسام وينظفها ويشيل الرؤوس السوداء والدهون .

فبالتالي يقلل من مشاكل البشره والحبوب. 

يقال تقدرين تستخديمنه كمزيل للمكياج لكن ما جربت .

الغسول مو رغوي لازم تفركينه شوي عالبشره .

بشرتي مختلطه ، والحمد الله ما أعاني من حبوب ، لكن تجي الحبوب على فترات متباعده غالبا في المنطقه الدهنيه اللي تحت الشفايف . 

تجربتي معه :

من أفضل الغسولات اللي جربتها 😍. قوامه جميل مرررررره  افركه على البشره لحد ما يرغي شوي ثم اشطفه تماااام ، ورائحته جميله نظافه بس مو قويه.

وينظف البشره بدون ما يجففها أبد أحس البشره بعده منتعشه وفيها شوي لمعه ( تلقلق من النظافه )😍

كان عندي رؤوس بيضاء خفييفه تحت الشفايف وحول الأنف وخفت بشكل كبير 

بعدها استخدم تونر او ماء ورد بارد لقبض المسام واستخدم روتيني عادي 

على أني أستخدمه مرتين باليوم بس أبد ما حسيته قوي عالبشره ..

لطييييف جدا عالبشره وبنفس الوقت ينظفها لك تمام ، كانت طالعه لي حبه ( تفرغت ) بس باقي اثرهاوكانت شوي توجع إذا ضغطتها ولما استخدمته بدت تخف شوي شوي.

ومن مميزاته بعد العلبه تجي بالضغط فبالتالي استخدامه سهل جدا .

أنصح بتجربته 

سعره: 98 او 100 

موجود بأغلب الصيدليات 

ألقاكم في تدوينات أخرى بإذن الله 💕

تجدونني على :

سناب waad-majed

انستجرام waad_m_94@

وأهلا بالجميع 💗

 لوصول أسرع  تلاقون روابط حساباتي في أعلى الصفحة على  المدونة . 

1 comment جمال وعناية