السلام عليكم
أهلا وسهلا
تدوينة اليوم بأحكي فيها عن تجربتي مع الخيط المائي ..
بالبداية أنا تهمني كثير نظافة الفم والأسنان وهالشيء أحس ينعكس على ثقة الواحد بنفسه وعلى ابتسامته .. شيء سيء جداً أن الشخص يبتسم وأسنانه مليانه بقايا أكل أو ترسبات جير .😢
شخصيا استخدم الخيط العادي دايم . لكن عيبه أنه يجرح اللثه إضافة إلى أنه ما يوصل لكل الأماكن بين الأسنان . فيكون باقي أكل عالق بين الأسنان ويترسب ويتكون الجير والتسوس وممكن يوصل للعصب .
ومره بالسنه أسوي تشييك على الأسنان وتنظيف بالعيادة . ودايم يكون فيه تسوس او عصب وووو . فكنت أنقهر ليه على كثر ما اهتم يكون فيه مشكله !
وشريت الخيط المائي كثير أطباء وغيرهم ينصحون فيه . شريته وما استعملته خليته بالدرج وسحبت عليه كم شهر . ما أدري ليه ما تحمست له كل يوم أقول بكره .
الخيط المائي هو عباره عن جهاز يضخ المويه بقوه معينه ومعه رؤوس مختلفة حتى تصل لأماكن ضيقه بين الأسنان . بحيث أن دفع المويه يصل لأماكن ما تصلها الفرشه أو الخيط العادي .
بيوم قلت خل اشوف سالفته ليه كذا وش يسوي بالدرج!
الجهاز يجي معه عدة رؤوس شيء للسان وشيء للأسنان وشيء للتقويم وووو وطريقة استخدامه سهله مره وموضح كل شيء في التعليمات.
وجربته أول مره وسويت مطر صناعي 😂 و المويه بكل مكان . شوي شوي عرفت الوزنيه ..
املي الخزان حق الجهاز بالمويه مع شوي غسول للفم أركب الرأس المناسب واشغلها واختار قوة دفع المويه المناسبة .
يالله يالشعور الخرافي 😍.. أنا ليه توني استعمله ؟
حسيت بين الأسنان نظيييييييييف وفعلا وصل أماكن ما يوصلها الخيط العادي
والللثه تتنفس والفم ريحته حلوه .. ❤
بدون تجريح بدون دم .
خلاص صار من روتيني اليومي استعمله جداً رائع وتقييمي له 10/10
ومتجر كاف فيه كل شيء يخص الأسنان تنظيف وتبييض .
أتمنى أكون أفدتكم . ❤
شاركي رابط المدونه صديقاتك ومن يعز عليك .
ألقاكم في تدوينه جديد بإذن الله .
تجدونني على :
سناب waad-majed
انستجرام waad_m_94@
وأهلا بالجميع 💗
لوصول أسرع تلاقون روابط حساباتي في أعلى الصفحة على المدونة .
0 comments:
Post a Comment